ORA LIMITA D'ARRIGISTRAMENTU

Preciseghja a limita chì ùn ci vole à trapassà pè pudè fà l'arrigistramentu. Hè varievule secondu u vostru viaghju (viaghjucciu, viaghju mezanu o viaghjone).
Di regula, hè fissata à 20 minuti nanz'à a partenza pè i voli di CCM Airlines.

ATTRIBUZIONI DI PUSATOGHJI

Fatte nant'à ogni volu CCM Airlines è Air France.

VOLI PÈ E PERSONE CH'ÙN FUMANU MICCA

Durante i voli CCM Airlines è Air France, ùn ci vole micca à fumà.

TELEFUNU NANT'À I VOLI

Micca telefunu à bordu nant'à i voli CCM Airlines.

PRESTAZIONI À BORDU

Nant'à i voli CCM Airlines, secondu l'urariu è a durata di u volu, cullazioni o beiende sò rigalate eppo riviste, giurnali o ghjochi sò à a vostra dispusizione.

PASSAGERI SVANTAGHJATI

Pè porghje a più bona accuglienza in campu d'aviazione è à bordu, simplificà l'accessibilità di u trasportu aereu, CCM Airlines hà aduttatu u pruduttu SAPHIR. Una linea diretta à prò vostru pè ottene rinsignamenti ch'è vo avereste bisognu pè appruntà u vostru viaghju : 0 820 01 24 24 (0,12 €/mn). Una squadra di specialisti vi cunsiglia è face e vostre riservazioni (à u più tardi 48 ore nanz'à a vostra partenza).

CARTA SAPHIR : unepochi di servizii da un capu à l'altru di u viaghju

- Accuglienza è assistenza pè e furmalità d'arrigistramentu
- Imprestitu di carrigone in l'aerogara
- Trasportu gratisi in dipositu di u vostru carrigone persunale
- Imbarcu priuritariu
- Accuglienza persunalizata à bordu
- Assistenza durante u volu
- Accuglienza quandu l'avviò hè ghjuntu
- Serviziu paghente cumplementare di presa in carica casa/campu d'aviazione