AIR FRANCE

E cullaburazioni trà CCM Airlines è a cumpagnia Air France accertanu una vuluntà cumuna di rinfurzà e leie in usu è di sfruttà e cumplementarità trà e duie cumpagnie. Pè favvi viaghjà megliu…

A putenza d'una reta

A cullaburazione CCM Airlines/Air France permette oghje à i viaghjadori bramendu di vene in Corsica, d'accede à una reta di currispundenze eccezziunale : quasi 17 scali regiunali o europei pè sceglie frà numerose currispundenze nant'à a piattaforma di Marseglia cù u so Rendez-Vous Méditerranée, è 43 destinazioni naziunali o internaziunali per mezu di a crucivia aerea di Liò-Saint Exupéry.

Numerosi vantaghji pè tutti:

- Abbiate à prò vostru l'accessu direttu à u prugramma Fréquence Plus : vincite Miles pudendu esse cunvertiti in biglietti d'avviò nant'à tutte e cumpagnie di l'allianza Sky Team o e cumpagnie cullaburatrici (quasi 20 cumpagnie in u mondu), in notti d'ottelli (Concorde, Hilton, Méridien…), in boni di lucazione di vittura vicinu à i principali appighjunadori in u mondu…
- Cù a carta di creditu Air France-American Express, accumulate ancu di più Miles.
- Prufittate di e cundizioni d'accessu preferenziali pruposte da i cullaburadori : Disneyland Paris, Pierre & Vacances, Visit France/Visit Europe...

HERTZ È BUDGET : L'AVVIÒ È ALTRU AFFARE, GHJÈ PIÙ ASTUTU

Liberu cum'è l'acellu durante una fine di settimana o ancu di più, grazia à « Drive Plus » : (avviò+vittura). Dunque, CCM Airlines s'hè assuciata à Hertz nant'à i campi d'aviazione d'Aiacciu è Bastia, è à Budget nant'à i campi d'aviazione di Nizza, Marseglia è Tulò, pè pruponevi di sceglie frà parechje categurie di vitture, ch'è vo puderete lascià quand'è vo riparterete in unu di sti cinque campi d'aviazione, desservuti ogni ghjornu da a cumpagnia.