Essendu un marchjadore mai stancu, scuprerete tanti è tanti chjassi di girandulata sulchighjendu a Corsica è, fuss'ella puru, u miticu GR20 ch'è vo ùn sminticherete mai. A Corsica porghje una divizia di chjassi di girandulata da percorre è, dunque, ci vulerà u parè di persone sperimentate pè cuncepì un giru suddisfendu e vostre attese è currispundendu soprattuttu à u vostru livellu fisicu è spurtivu.

Mancu à pensalla di parte à l'aventura senza avè capunanzu appruntatu accuratamente u vostru itinerariu secondu a vostra cundizione fisica, a vostra età... Grazia à Couleur Corse, truverete a girandulata chì vi garberà, siasi una purzione di u miticu GR20, i stradelli semplici Mare à Mare o Mare à Monti, o ancu u chjassu di i laghi di l'internu.

Tandu, ùn saperete cosa sceglie pè sazià a vostra invidia di spazii maiò, d'aria fresca è di sforzu intensu. Vulendu scopre à u più prufondu l'asprezza di a vita di i pastori d'altitudine, fatevi un periplu di parechji ghjorni durmendu in i rifugi muntagnoli previsti per quessa. L'alegria risentuta dopu à un sforzu simule hè senza paru è a vista di u sprichjà di u sole nant'à e muntagne di u circondu hè un spettaculu chì si merita !

Couleurs Corse
Tél : +33 (0)4 95 10 52 83
www.couleur-corse.com

*Ufferte preferenziali valevuli presentendu un ritagliu di volu CCM Corsica/Cuntinente. I cullaburadori sò rispunsevuli di l'ufferte preferenziali.